| "Alter ego" deur CHARL-PIERRE NAUDE [boodskap #49435] |
Tue, 04 September 2001 15:21 |
|
|
Oorspronklik gepos deur: @home.com
Alter ego
Charl-Pierre Naudé
Die trappe na die solder kan my nog verruk.
Waar rakke raaisels uit kindsdae span en die smal,
helder luik aan die ver ent se guillotine soms val
dat vere uit die skemer sak, en die skrik
al's 'n oomblik laat skarrel, het ek weer
gestaan: geboë. Ou deure waardeur niemand stap
en verroeste rame wat nie sluit of klap nie
het eenkant gelê, kettings, reistasse wat verweer
in die geheue. Van nêrens het 'n bries gepluk
deur 'n jeugboek. By 'n vuurhoutjie se flenterlig
staar 'n skadu-gesig, vol skynroet, armoedig
na my terug uit 'n spieël, halfvergete.
"Die solder spook," het Ma gesê. Ek moes so terugkeer
na onder, 'n half-swarte, vanuit die gewete.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
